Aaj subha Karachi ke mashhoor Lighthouse Market (Landa Bazaar) mein ek godaam mein achanak aag lag gayi.
Yeh godaam chappalon aur plastic ke saman ke liye use ho raha tha, jahan flammable maal mojood tha.
Aag itni tezi se phaili ke chand minuteon mein market ke kai hisay dhuaan aur sholoon mein ghair gaye.

Fauri taur par Fire Brigade ki kai gaadiyan site par pohanch gayin aur market ko khali karwaya gaya.
Rescue teams ne aas-paas ke ilaqay seal kar diye aur logon ko M.A. Jinnah Road ke ilaqe se door rehne ki hidaayat di.

Ag Ka Waqayi Manzar Aur Rescue Operation

Eyewitnesses ke mutabiq, aag godaam ke andar ke hisay se nikli jahan chemical-based saman aur slippers mojood thay.
Flammable material hone ki wajah se aag ne chand minuteon mein poora floor apni lapait mein le liya.
Firefighters ne lagataar kai ghantay tak operation jaari rakha aur aakhirkar aag par qabo paa liya.

Fire Brigade ke officials ke mutabiq, aag ab bujha di gayi hai, lekin cooling process abhi bhi jaari hai.
Unka kehna hai ke kisi qadam bhi jaani nuqsan ki report nahi mili — sirf maal-asbaab ka nuqsan hua hai.

Tahqiqat Jaari

Police aur Rescue 1122 ke mutabiq, aag lagne ki wajah abhi tak wazeh nahi ho saki.
Initial reports ke mutabiq short circuit ya flammable chemicals is incident ka sabab ho sakte hain.
Market ke tamam godaamon ka survey jaari hai taake safety protocols check kiye ja sakein.

Traffic Aur Awam Ke Liye Hidaayaat

M.A. Jinnah Road aur Lighthouse ke aas-paas ka ilaqa abhi bhi heavy traffic se affected hai.
Awam ko darkhwast ki gayi hai ke rescue teams ke kaam mein rukawat na daalein aur alternate routes use karein.

Fully Updated Rehny K Liye Humary Social Accounts Follow Karein:
TikTok
Facebook
Instagram