تاریخی استقبال، اعلیٰ سطحی ملاقاتیں اور اسلام آباد میں تعطیل کا اعلان

اسلام آباد: وزیرِاعظم شہباز شریف کی دعوت پر متحدہ عرب امارات کے صدر شیخ محمد بن زاید النہیان پاکستان پہنچ گئے۔ ان کی آمد پر وفاقی دارالحکومت میں شاندار اور تاریخی استقبال کی تیاریاں مکمل کر لی گئی تھیں۔

پاکستانی فضائی حدود میں داخل ہوتے ہی پاکستان ایئر فورس کے جدید لڑاکا طیاروں نے یو اے ای کے صدر کے طیارے کو حصار میں لے کر فضائی سلامی پیش کی، جو دونوں ممالک کے درمیان گہرے برادرانہ تعلقات کی علامت ہے۔

اعلیٰ سطحی وفد اور اہم مذاکرات

ترجمان دفتر خارجہ کے مطابق یو اے ای کے صدر کے ہمراہ وزرا اور سینئر حکام پر مشتمل ایک اعلیٰ سطحی وفد بھی پاکستان آیا ہے۔ دورے کے دوران پاکستان اور متحدہ عرب امارات کے مابین دوطرفہ تعلقات، خطے کی صورتحال اور عالمی سطح پر باہمی دلچسپی کے امور پر تفصیلی تبادلۂ خیال کیا جائے گا۔

ترجمان کا کہنا ہے کہ صدر یو اے ای کا یہ دورہ دونوں ممالک کے درمیان طویل المدتی، دیرینہ اور برادرانہ تعلقات کی واضح عکاسی کرتا ہے۔ اس دورے سے تجارت، سرمایہ کاری، توانائی، ترقیاتی منصوبوں اور علاقائی استحکام کے شعبوں میں تعاون کو مزید فروغ ملنے کی توقع ہے۔

اہم ملاقاتیں شیڈول

دورے کے دوران معزز مہمان کی صدرِ مملکت آصف علی زرداری اور وزیرِاعظم شہباز شریف سمیت دیگر اعلیٰ شخصیات سے ملاقاتیں شیڈول ہیں، جن میں دوطرفہ تعاون کے نئے امکانات پر بات چیت کی جائے گی۔

اسلام آباد میں تعطیل کا اعلان

صدر متحدہ عرب امارات کے دورۂ پاکستان کے پیشِ نظر وفاقی دارالحکومت اسلام آباد میں عام تعطیل کا اعلان کر دیا گیا ہے۔
اسی سلسلے میں اسلام آباد ہائیکورٹ نے بھی آج چھٹی کا نوٹیفکیشن جاری کیا ہے، جس کے مطابق اسلام آباد ہائیکورٹ اور اسلام آباد ڈسٹرکٹ کورٹس 26 دسمبر کو بند رہیں گی۔

Fully Updated Rehny K Liye Humary Social Accounts Follow Karein:
TikTok: https://www.tiktok.com/@rabtakraft
Facebook: https://www.facebook.com/RabtaKraftKarachi/
Instagram: https://www.instagram.com/rabtakraft/
Website: https://rabtakraft.com/